Qazaqstan Respýblıkasy Densaýlyq saqtaý jáne áleýmettik   damý mınıstrliginiń buıryǵy № 168 

2015 jylǵy 27 naýryz, Astana qalasy Pallıatıvtik kómekti jáne meıirbıke kútimin kórsetý qaǵıdalaryn bekitý týraly «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 53-babynyń 3-tarmaǵynyń, 7-babynyń 1-tarmaǵynyń 99-tarmaqshasyna sáıkes, buıyramyn: 1. Qosa berilip otyrǵan pallıatıvtik kómek jáne meıirbıke kútimin kórsetý qaǵıdalary bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldanýyn; 3) osy buıryqtyń Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Mınıstr T. DÚISENOVA Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 27 naýryzdaǵy №168 buıryǵymen bekitilgen Pallıatıvtik kómek jáne meıirbıke kútimin kórsetý qaǵıdalary 1. Jalpy erejeler 1. Osy Pallıatıvtik kómek jáne meıirbıke kútimin kórsetý qaǵıdalary (budan ári – Qaǵıdalar) «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń Kodeksiniń 53-babynyń 3-tarmaǵyna (budan ári-Kodeks) sáıkes ázirlengen jáne medısınalyq uıymdardyń pallıatıvtik kómek jáne meıirbıke kútimin kórsetý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) emdeýge jatqyzý bıýrosy portaly (budan ári – Portal) – tegin medısınalyq kómektiń kepildik berilgen kóleminiń sheńberinde pasıentterdi stasıonarǵa josparly túrde jatqyzý joldamalaryn elektrondyq tirkeýdiń, esepke alýdyń, pysyqtaýdyń jáne saqtaýdyń biryńǵaı júıesi; 2) meıirbıke kútimi – densaýlyq saqtaý uıymy bergen medısınalyq qorytyndymen rastalǵan aýyr syrqaty bar tulǵalarǵa psıhologııalyq jáne áleýmettik kómek pen turmystyq kútim kórsetý jónindegi medısınalyq jáne áleýmettik qyzmet baǵyty; 3) pallıatıvtik kómek – maqsaty densaýlyq saqtaý uıymy bergen medısınalyq qorytyndymen rastalǵan termınaldyq (sońǵy) satydaǵy syrqaty daýasyz pasıentterdiń ómir súrý sapasyn jáne jalpy jaǵdaıyn jaqsartý bolyp tabylatyn medısınalyq jáne áleýmettik qyzmet baǵyty; 4) stasıonarlyq kómek – táýlik boıy medısınalyq baqylaý jasalyp, bilikti, mamandandyrylǵan jáne joǵary mamandandyrylǵan medısınalyq kómek usyný nysany; 5) stasıonardy almastyratyn kómek – bir kúnniń ishinde medısınalyq baqylaý jasalyp, dárigerge deıingi, bilikti, mamandandyrylǵan jáne joǵary mamandandyrylǵan medısınalyq kómek usyný nysany; 6) úıdegi hospıs – bir kún ishinde tórtten segiz saǵatqa deıingi mýltıdısıplınarlyq komandanyń bilikti kómegi túrindegi úıde pallıatıvtik kómek jáne meıirbıke kútimin kórsetý. 7) hospıs – syrqaty daýasyz naýqastarǵa jáne olardyń týystaryna stasıonar jaǵdaıynda (medısınalyq, psıhologııalyq-áleýmettik jáne rýhanı) pallıatıvtik kómek kórsetetin medısınalyq (medısınalyq-áleýmettik) uıym. 3. Pallıatıvtik kómek jáne meıirbıke kútimi densaýlyq saqtaý salasyndaǵy ýákiletti organ bekitken tizbege sáıkes halyq sanattaryna kórsetiledi; 4. Tegin medısınalyq kómektiń kepildik berilgen kóleminiń (budan ári – TMKKK) tizbesine kirmeıtin pallıatıvtik kómekti jáne meıirbıke kútimin kórsetý qyzmetteri kodeksiniń 7-babynyń 1-tarmaǵynyń 87) tarmaqshasyna sáıkes kórsetiledi. 5. Pallıatıvtik kómek jáne meıirbıke kútimi uıymdarynda naýqastardy emdeýge jatqyzý úshin mynalar aıǵaq bolyp tabylady: 1) naýqasty keıinnen ambýlatorııalyq jaǵdaıda emdeýge aýystyrý úshin qoldaýshy, aýyrsyndyrmaıtyn terapııany tańdaý qajettiligi; 2) áleýmettik-psıhologııalyq mynadaı aıǵaqtardyń bolýy: depressııa jaǵdaıy, reaktıvti jaǵdaı nemese otbasyndaǵy daý-janjal jaǵdaıy, naýqastyń kútimi úshin turmys jaǵdaılarynyń bolmaýy. 6. Naýqastarǵa pallıatıvtik kómek jáne meıirbıke kútimi stasıonarlyq jáne stasıonardy almastyratyn kómek nysanynda kórsetiledi. 7. Pasıentti TMKKK sheńberinde stasıonarǵa jatqyzý: 1) stasıonarǵa emdeýge jatqyzý kúni týraly pasıentke nemese onyń zańdy ókiline habarlaı otyryp, Portal arqyly medısınalyq-sanıtarııalyq alǵashqy kómek (budan ári - MSAK) mamandarynyń nemese medısınalyq uıymnyń beıindi mamanynyń joldamasy boıynsha josparly tártippen; 2) joldamanyń bolýyna qaramastan, shuǵyl aıǵaqtary boıynsha júzege asyrylady. 8. Pasıentti emdeý kezinde: 1) kúndizgi stasıonarda №003-3/e nysany boıynsha kúndizgi stasıonar naýqasynyń kartasy toltyrylady, Qazaqstan Respýblıkasy Densaýlyq saqtaý mınıstriniń m.a. 2010 jylǵy 23 qarashadaǵy № 907 buıryǵymen bekitilgen (budan ári - buıryq), (normatıvtik qúqyqtyq aktilerdi memlekettik tirkeý tiziliminde № 6697 bolyp tirkelgen). 2) úıdegi stasıonarda №907 buıryǵymen bekitilgen №003-2/e nysany boıynsha úıdegi stasıonar naýqasynyń kartasy toltyrylady 9. Pasıent týraly málimetter mynadaı bastapqy medısınalyq esepke alý qujattamasynda: 1) №907 bekitilgen buıryǵyna sáıkes №001-1/e nysany boıynsha kúndizgi stasıonar (emhana) naýqastaryn esepke alý jýrnalynda; 2) №907 bekitilgen buıryǵyna sáıkes №001-2/e nysany boıynsha úıdegi stasıonar naýqastaryn esepke alý jýrnalynda tirkeledi; Oǵan táýliktik baqylaý talap etilgen jáne úıdegi naýqastyń jaǵdaıy nasharlaǵan jaǵdaıda tez arada stasıonarǵa emdeýge jatqyzý júzege asyrylady. 10. Pasıent kelip túsken kezden bastap emdeýdiń uzaqtyǵy: 1) kúndizgi stasıonarda keminde 8 jumys kúnin; 2) úıdegi stasıonarda keminde 8 jumys kúnin quraıdy. 11. Stasıonardy almastyratyn kómek alǵan pasıentti shyǵarý kezinde kúndizgi stasıonarda jáne úıdegi stasıonarda emdeýden ótken pasıenttiń №907 bekitilgen buıryǵyna sáıkes №066-4/e nysany boıynsha statıstıkalyq kartasy toltyrylady. 12. Qajetti usynymdary bar naýqastyń medısınalyq kartasynan alynǵan kóshirme pasıenttiń nemese onyń zańdy ókiliniń qolyna berilip, qoly qoıǵyzylady jáne bekitilgen jeri boıynsha MSAK uıymyna beriledi. 2. Pallıatıvtik kómek kórsetý 13. Pallıatıvtik kómek aýrýdyń termınaldyq (sońǵy) satysyndaǵy syrqaty daýasyz naýqastarǵa mamandandyrylǵan qurylymdyq bólimshelerde, derbes medısınalyq uıymdarda (hospıstarda) nemese úıdegi stasıonar (úıdegi hospıs) nysanynda dárigerdiń basshylyǵymen kórsetiledi. 14. Pasıentke pallıatıvtik kómek kórsetilgen kezde kúndizgi stasıonar (emhana) jáne úıdegi hospıs dárigeri pasıentti kún saıyn tekserip-qarap, emdeýge túzetý júrgizedi. 15. Psıhologııalyq jáne moraldyq qoldaý túrindegi pallıatıvtik kómek emdeýdiń basqa da túrlerimen qatar kez kelgen sozylmaly, ınkýrabeldi aýrýdyń erte satysynda júzege asyrylýy múmkin. 3. Meıirbıke kútimin kórsetý 16. Meıirbıke kútimi dárigerlik baqylaýdy talap etpeıtin jaǵdaılarda mamandandyrylǵan qurylymdyq bólimshelerde, derbes medısınalyq uıymdarda (meıirbıke kútimi uıymdarynda) nemese úıdegi stasıonar nysanynda júzege asyrylady jáne aýyr naýqastarǵa jáne onyń týystaryna áleýmettik psıhologııalyq kómek kórsetýdi damytýǵa járdemdesedi. 17. Pasıentke meıirbıke kútimin kórsetý kezinde orta medısına qyzmetkeri kún saıyn kútimdi júzege asyrady. Buıryq Qazaqstan Respýblıkasynyń Ádilet mınıstrliginde 2015 jylǵy 27 sáýirdegi Normatıvtik quqyqtyq kesimderdi memlekettik tirkeýdiń tizilimine №10803 bolyp engizildi.